Akasa Air Crisis – Kya ek saal me band Ho Jayegi?
Akasa Air Crisis
Akasa Air Crisis : Rakesh Jhunjhunwaala ki aviation brand, ‘Akasa Air’ ki udaan August 2022 ko shuru hui thi. Sab kuch thik chal hi raha tha ki ab ek saal baad, airline mai achanak se crisis aa gayi hai …Rumour hai ki shayad ab issi crisis ke wajah se yeh airlines dusre airlines ke tarah kahin band naa ho jaye
Chaliye dekhte hain kya hai yeh crisis jiske wajah se airline band bhi ho sakti hai:
August mai Akasa Air ne 700 flights cancel kiye aur September mai bhi kuch yehi haal hai..
Reason?
Achanak se Akasa Air ke 43 Pilots ne resign de dia airlines se bina apna notice period serve kiye hue…jo captain ke liye mandatory 1 saal tha aur first officers ke liye mandatory 6 months tha.
Isiliye Akasa Air pahuchi hai Delhi High Court taaki court DGCA – Directorate General of Civil Aviation ko order aur power de sake pilots ke against – taaki Pilots ko mandatory notice serve karna pade.
Meanwhile, airlines ne resigned pilot se hefty penalty maanga hai aur court ne September 22 ka date dia hai.
Read more 👉 Sai Silks (Kalamandir) IPO Review,
Kaha jaa raha hai ki saare pilot Akasa Air ko chod ek rival company mai chale gaye hain..
Yehi reason hai ki August mai Akasa Air ka market share bhi July ke 5.2% se gir kar 4.2% ho gaya tha – jiske wajah se woh domestic caririers mai SpiceJet se neeche aa gaya ek baar phir se
Toh kya aise pehle bhi hua hai?
Mass resignation aksar aviation industry mai dekha gaya hai..piichle saal yeh trend Cathay Pacific Airways Ltd mai dekha gaya tha aur 2019 October mai Air India mai. Uss mai laghbagh 120 pilot ne resign kia tha jab unki salary hike ki demand puri nahi hui thi toh.
Lekin surplus pilots hone ke wajah se AI ko zyada farak nahi pada tha…Aur pilots ke paas bhi kaafi options the.
Lekin, Akasa Air ke case mai yeh mass exodus company ke flying capacity par ban aaya hai, aur iss situation mai airline band bhi ho sakti hai. Tabhi toh CEO court tak pahuch gayein hain.
Kyun hamesha koi na koi airline pareshani mai rehti hai..aakhir kya problem hai aviation mai?
Akasa Air ko pichle mahine hi international flying ka license mila hai, company financially bhi strong hai aur sab ache se jaa raha tha..lekin tabhi ek acha khaasa pilot ka lot Akasa chodd kar rival airlines join kar lete hain…
Kaun si company hai jo Akasa Air se iss tarah se compete kar rahi hai? Well, jo pilots resign kiye hain, unn mai se majority ne Air India EXPRESS join kia hai…
Waise toh domestic market mai 6 major airlines hai, lekin abhi filhal IndiGO aur Air India hi thik thak business mai hai..GO airlines apne bankruptcy mai phasa hua hai aur SpiceJet bhi apne financial crisis aur court case mai pareshan hai. Ab aise situation mai Akasa Air ka kaafi scope tha lekin phir inke saath bhi alag hi scene ho gaya. Interestingly, iss baar airlines financial crisis mai nahi balki manpower crisis mai hai…
Read more 👉
Read more 👉 Bonds vs Equity – Kaha Karein Invest?
Pata nahi jaise aviation industry mai koi jinx ho, kabhi naya player toh kabhi old – kuch na kuch problem rehta hi hai…Aur ab jab yahan bhi sirf do major players hi rule karte dikhai de rahe hain toh yeh situation bhi koi telecom sector se kam nahi jahan market mai 2 hi players bache hain..
Aur agar aisa hua – monopoly, duopoly waala scenario aviation mai aaya – toh travellers ko kaafi pareshani hogi.
Ab jo Akasa air ke saath hua hai, kaafi log sochne par majmoor hain ki kya hamesha se hi aisa hua hai – competition mai unethical way se jaa kar ek company ne duse company ko beat kia hai?
Trading Chart Pattern Book | Includes Candlestick & Breakout Patterns
